Во рамките на проектот WATenERgy CYCLE, предводен од ЈКП Водовод и канализација-Прилеп, како дел од програмата INTERREG BALKAN-MEADITERRANEAN од 02.07.2019 до 04.07.2019 во Прилеп се одржа шестиот работен состанок.
На 02.07.2019 се одржа Техничка работилница на која беа присутни претставници од повеќе фирми од државни и јавни институции од Македонија и од странство, како и партнерите од Грција, Албанија, Кипар и Бугарија што се дел од проектот WATenERgy CYCLE. Голем дел од нив се претставија со свои презентации, презентирајќи ги нивните производи, сугестии и студии.
На 03.07.2019 се одржа работен состанок со партнерите од проектот, на кој се разгледуваше и дискутираше за моменталната состојба на тековните активности во самиот проект. Секој од партнерите ја претстави својата тековна активност како и дотогашната завршена работна обврска.
Третиот ден 04.07.2019, беше резервиран за техничка посета на ЈКП Водовод и канализација- Прилеп како и посета на Пречистителната станица. Имено, при посетата на ЈКП Водовод и канализација, на партнерите од проектот им беше презентирана опремата за детектирање на дефекти која е набавена со средства од проектот WATenERgy CYCLE. Потоа, беше организирана и посета на Пречистителната станица, во која од стручно лице им беше објаснета целата постапка на пречистување на отпадните води, од нивно собирање, нивна обработка, до добивање на финален производ.
